«Roma» Patrisiuga o'rinbosar topdi

 4 DEKABR, 2022, 17:45

«Empoli» darvozaboni Gulelmo Vikario faoliyatini «Roma»da davom ettirishi mumkin, deya xabar beradi jurnalist Nikolo Skira.

Manbaga ko'ra, Rim klubi rahbariyati keyingi mavsumda o'z safida Vikarioni ko'rishni istamoqda. Transfermarkt 26 yoshli italiyalikni 12 million evroga baholamoqda.

A Seriyadagi joriy mavsumda Vikario 15 ta o'yin o'tkazib, o'z darvozasidan 19 ta gol o'tkazib yubordi va beshta o'yin davomida o'z darvozasi daxlsizligini saqlab qoldi.

Darvozabon o'tgan yozdan beri «Empoli» sharafini himoya qilmoqda. Avvalroq u «Kalyari», «Venetsiya» va «Perudja» klublarida ham o'ynagan.

«Roma» ayni damda Italiya chempionatining joriy mavsumida 15 turdan keyin 27 ochko bilan 7-o'rinda bormoqda.

Bugungi kunda bu jamoaning asosiy darvozaboni portugaliyalik Rui Patrisiu hisoblanadi.