"PSJ" Duening jarohati bo'yicha bayonot berdi
30 OKTYABR, 2025, 18:42
"PSJ" klubi o'zining rasmiy saytida hujumchi Dezire Duening jarohati bo'yicha bayonot berdi. Futbolchi chorshanba kuni "Loryan"ga qarshi safar o'yinida (1:1) jarohat olgandi. Due hatto yig'lab yubordi.
"Futbolchi o'ng son mushaklaridan jarohat oldi va bir necha hafta davomida maydonga tusha olmaydi," - deyiladi Liga 1 grandi bayonotida.
"PSJ" noyabr oyidagi terma jamoalar o'yinlari uchun tanaffusdan so'ng 20 yoshli Duening holati bo'yicha yangi tibbiy hisobot e'lon qilishga va'da bermoqda.
2025/2026 yilgi mavsumda Dezire Due sakkizta o'yinda maydonga tushib, sheriklariga uchta golli uzatmani amalga oshirdi.
