Xavi Rossiya grandini boshqarishdan bosh tortgan

 30 OKTYABR, 2025, 18:30

Xavi "Barselona"ni tark etgach, deyarli bir yarim yildan buyon ishsiz yuribdi. Ispaniyaning Sport nashri sahifalarida Xavi haqida xabar e'lon qilindi. Unda aytilishicha, yosh mutaxassis munosib ambitsiyali loyihani kutishda davom etmoqda.

Xabarda Xavi yaqinda Moskvaning "Spartak" klubi variantidan voz kechgani haqida ham ma'lumot berilgan.

"Xavi Ernandesni "Spartak" loyihasi ishontira olmadi," - deyiladi xabarda.

"Spartak"ni hozirda Deyan Stankovich boshqarmoqda. Ayni paytda jamoa Rossiya Premer-ligasi turnir jadvalida oltinchi o'rinda bormoqda.