APL klubi yangi transferni amalga oshirdi

 4 DEKABR, 2022, 17:07

Braziliyalik yarim himoyachi Gustavo Skarpa «Palmeyras»dan «Nottingem Forest»ga ko'chib o'tdi. Bu haqda ingliz klubi rasmiy sayti xabar bermoqda.

Skarpaning «o'rmonchilar» bilan kelishuvi 2026 yilning yoziga qadar mo'ljallangan. Braziliyalik futbolchi erkin agent sifatida «Nottingem Forest»ga o'tdi.

Yarim himoyachi bu yil «Palmeyras» safida 47 ta o'yinda maydonga tushib, 12 ta gol urdi va 14 ta golli uzatmani amalga oshirdi.

Eslatib o'tamiz, Skarpa bundan avval Braziliyadan tashqarida o'ynamagan. 28 yoshli futbolchining faoliyatida «Palmeyras»dan tashqari «Fluminense» ham bor edi.

Bundan tashqari, u o'z mamlakati terma jamoasi tarkibida bitta o'yin o'tkazib, unda gol ura olmadi.