"Chelsi" Lukakuning kelajagi borasida bir qarorga keldi
26 MART, 2024, 16:12
"Chelsi" jiddiy moliyaviy muammolarga duch kelmoqda va yozda futbolchilarni sotishga majbur bo'ladi.
La Gazzetta dello Sport xabariga ko'ra, Premer-liga grandi hozirda Italiyaning "Roma" klubida o'ynayotgan hujumchi Romelu Lukakuni sotishni rejalashtirmoqda.
Manbaga ko'ra, "Chelsi"ning rejasi Lukakuni Saudiya Arabistoniga sotish. Bu mamlakat klublari keng moliyaviy resurslarga ega ekanligi ma'lum, shuning uchun ular Lukaku uchun evropaliklarga qaraganda ko'proq pul to'lashga qodir.
Avvalroq, matbuotda "Roma" 30 yoshli Lukakuni sotib olishga qurbi etmayotgani haqida ma'lumot paydo bo'lgandi.
