Abbos Fayzullaev: "Chempionlik uchun poygadan chiqmadik"
8 APREL, 2024, 20:36
TsSKA futbolchisi Abbosbek Fayzullaev jamoa chempionlik poygasida qoladimi, degan savolga javob berdi.
"Mening fikrimcha, ha. Biz birinchi o'rin uchun kurashishimiz mumkin. Biz yaxshi o'ynayapmiz", - dedi Fayzullaev "RB Sport" nashriga.
Hamyurtimiz "Zenit" bilan o'ynab, g'alaba qozonish mumkinligini qo'shimcha qildi.
Joriy mavsumda 20 yoshli futbolchi barcha musobaqalarni hisobga olgan holda 23 ta o'yinda maydonga tushib, 3 ta gol urdi va 9 ta golli uzatmani amalga oshirdi.
23-turdan so'ng TsSKA Rossiya Premer-ligasi turnir jadvalida to'rtinchi o'rinni egallab turibdi.