Kin: "Ten Xag intervyudan oldin ichib olgandek tuyuldi"

 8 APREL, 2024, 20:30

Yakshanba kungi "Liverpul"ga (2:2) qarshi o'yindan so'ng, "Manchester Yunayted" bosh murabbiyi Erik ten Xag jamoasining muvaffaqiyatidan faxrlanishi haqida gapirdi. "Qizil iblislar"ning sobiq futbolchisi Roy Kin niderlandiyalik murabbiyning so'zlariga izoh berdi. U ten Xag intervyu oldidan ichganiga ishonadi.

"O'yindan keyin bir-ikki qadah vino ichgan bo'lsa kerak. Qanchalik kuchli ekanini bilmayman, lekin u juda optimistik tuyuldi. Men uning men ko'rmagan narsani ko'rish qobiliyatiga qoyil qolaman", - dedi Kin Mirror bilan suhbatda.

Eslatib o'tamiz, "Manchester Yunayted" "Liverpul" bilan o'yinning birinchi bo'limida darvozaga birorta ham zarba yo'llagani yo'q.