"Real" "Real Sosedad"ga qarshi bahsda ikki muhim futbolchisi xizmatlaridan foydalana olmasligi mumkin

 25 APREL, 2024, 16:12

Madridning "Real" klubi Ispaniya chempionatining 33-turidan o'rin olgan "Real Sosedad" bilan bo'lajak o'yinga optimal tarkibda etib kelmasligi mumkin.

El Chiringuito xabariga ko'ra, hujumchi Rodrigo va yarim himoyachi Jud Bellingem "qirollik klubi"ning bugungi mashg'ulotlarini o'tkazib yuborgan.

Braziliyalik shamollagani uchun maydonga tushmadi, ingliz esa gastroenterit tufayli mashg'ulot o'tkazmadi.

Katta ehtimol bilan ikkala futbolchi ham bo'lajak uchrashuvda maydonga tushmaydi, ammo Chempionlar ligasida "Bavariya"ga qarshi bahsga tayyor bo'ladi.