Yurgen Klopp: "Bu erga kelganimdan beri bitta sardor bor edi"
27 IYUL, 2023, 20:11
"Liverpul" ustozi Yurgen Klopp jamoani tark etgan Jordan Xenderson haqida gapirdi. U sobiq sardor haqida shunday deydi:
"Bizda bunga moslashish uchun etarlicha vaqt bor edi. Bu - futbol. Futbolda esa bu kabi hodisalar bo'lishi normal holdir. Dushanba kuni bazaga qaytganimizda Xendo (Xenderson) bizni xayrlashish uchun kutib turgan edi. U murabbiylar shtabi va futbolchilar bilan alohida vidolashdi. Bilaman, u uchun bu qarorni qabul qilish oson bo'lmagan. Men kelganimdan beri bitta sardor bor edi va u Xenderson. Uni sog'inamiz. Lekin na iloj, yuqorida aytganimdek, bu - futbol".
"Liverpul" Xendersonni "Al-Ittifoq"qa 12 million funt evaziga sotdi.
