Ture yaqin soatlar ichida "Atalanta" futbolchisiga aylanadi

 27 IYUL, 2023, 17:55

"Almeriya" hujumchisi El Bilol Ture faoliyatini "Atalanta"da davom ettiradi. Bu haqda jurnalist Fabritsio Romano xabar bermoqda.

Manbaga ko'ra, kelishuv to'liq kelishilgan. Transfer summasi 27 million evro va 3 million miqdorida "Almeriya" bonuslar olishi mumkin.

Ispaniya chempionatining so'nggi mavsumida 21 yoshli malilik futbolchi 21 o'yin o'tkazib, 7 ta gol urdi va ikkita golli uzatmani amalga oshirdi. Ture Transfermarkt tomonidan 12 million evroga baholangan.

Eslatib o'tamiz, Italiya A Seriyasining so'nggi mavsumida "Atalanta" turnir jadvalida beshinchi o'rinni egallab, Evropa ligasiga yo'llanma oldi.