logotip
Assalom-u alaykum, Mehmon!
Soat: 06:45
KirishA'zo bo'lish
Sulsher ilk o'yin taassurotlari va Pogba haqida gapirdi

23 DEKABR, 09:56 320

.


«MYu» bosh murabbiyi Ole-Gunnar Sulsher BBC bilan suhbatda o'zining «Kardiff»ga qarshi o'yindan (5:1) oldingi holati va uchrashuv taassurotlari bilan o'rtoqlashdi.

«Ochig'ini aytsam, kecha oqshom bunday o'yin haqida hatto orzu ham qilmagan edim. Birinchi marta xotirjam uxlashga yotgandim, chunki yigitlar jamoaga tezda kirishib ketishimda yordam berishdi. Kiyim almashtirish xonasidagi muhit menga yoqdi. Dastlabki bir necha kun davomida mayda-chuyda narsalargacha o'ylab yurgandim. Bugun soat 8:30da uyg'ondim – hayotimda bu qadar tiniqib uxlamagan edim.

Tarkib borasida kecha ertalab bir qarorga kelib olganman, chunki uni o'yindan bir kun oldin aniqlab olmasang, o'yin kuni kimni tanlash bo'yicha ikkilana boshlaysan. Shuning uchun hammasini oldindan hal qilib qo'ygandim», – dedi Sulsher.

Mankunianliklarning yangi ustoziga yarimhimoyachi Pol Pogba borasida ham savol berishdi.

«U – yuqori klassdagi o'yinchi. Jamoa uchun qo'lidan kelgan barcha ishni qiladi. Ammo boshqa bu sifat boshqa o'yinchilarimizga ham xos. Men Pol bilan avval ham birga ishlaganman. O'tgan ikki kun davomida u va jamoaning qolgan azolari bilan ishlashdan rohat oldim. Va bu maroqli ish bilan hali 4-5 oy mashg'ul bo'laman», – deydi Ole-Gunnar Sulsher.

«Boshlanishi juda zo'r bo'ldi. Yigitlar bu natijadan bir necha kun xursand yurishadigan bo'ldi, ammo boksing-beyga oz qoldi. Hali ishlashimiz kerak bo'lgan jihatlar bor. Shunday bo'lsa-da, yigitlar barcha g'oyalarni tezda tushunib olishmoqda», – deya aytib o'tdi «MYu» bosh murabbiyi.


Malumot uchun, Sulsher 2007 yilda «MYu» o'rinbosarlar tarkibi hujumchilarini shug'ullantirgan, 2008 yildan esa yoshlar jamoasiga ustozlik qilgan va o'sha yili Katta Lankashir kubogini, kelasi mavsum esa zaxira jamoalar o'rtasidagi Premer-liga g'olibligini qo'lga kiritgan. Uning o'sha jamoasi tarkibida Pol Pogba ham bor edi.

«Qizil iblislar» yangi yilga qadar yana ikkita o'yin o'tkazishadi. Dastlab 26 dekabr kuni «Haddersfild», so'ng 30 dekabrda «Bornmut» «Old Trafford»da mehmon bo'ladi.

[kulrang]Manba: tribuna.uz[/kulrang]
Yangiliklarni Telegramda o'qing!
BILDIRILGAN FIKRLAR
QIZIQARLI FAKT VA IQTIBOSLAR
BOSH SAHIFA
ONLINE: 0 / 22