Riko bu yil jamoaga qaytmoqchi

 17 SENTYABR, 2023, 11:42

«PSJ» darvozaboni Serxio Riko tuzalib ketgach, safga qaytishni istamoqda.

«22 sentyabr kuni men yangi tekshiruvdan o'taman. Tiklanish to'g'ri sur'atda ketyaptimi yoki yo'qligini ko'ramiz.

Umid qilamanki, bu yaxshi xabar bo'ladi va Parijda tayyorgarlik ko'rishim uchun shifokor menga ko'proq erkinlik beradi.

Maqsadim - bu yil jamoaga qaytib, mavsum oxirigacha jamoada bo'lish», - dedi Riko.

Ispaniyalik darvozabon 2023 yilning may oyida otdan yiqilib, boshidan jarohat olgan edi. Keyin Riko komaga tushdi va bir nechta operatsiyalarni o'tkazdi. 18 avgust kuni 30 yoshli futbolchi shifoxonadan chiqarildi.