UFC Fight Night 227. SHevchenko - Grasso jangi hakamlari hujjatidan ko'chirma + FOTO
17 SENTYABR, 2023, 10:48
Xabar berganimizdek, biroz avval AQSHning Nevada shtati Las-Vegas shahrida UFC turniri yakuniga etdi.UFC Fight Night 227 turnirining markaziy jangi ayollar engil vazn (57 kilogrammgacha) toifasi vakilalari - amaldagi chempion, meksikalik Aleksa Grasso (16-3) hamda ushbu kamarning sobiq sohibasi, qirg'izistonlik Valentina SHevchenko (22-4) o'rtasida bo'lib o'tdi. Revansh maqomidagi murosasiz chempionlik jangi to'liq besh raund davom etdi va yakunda 48:47, 47:48, 47:47 hisobidagi durang natija qayd etildi.
SHu tariqa, Aleksa Grasso chempionlik kamarini o'zida saqlab qoldi. Internetda bugungi taniqli referi Xerb Din boshqargan chempionlik jangining hakamlar hujjati paydo bo'ldi. "T-Mobile Arena"da kechgan jang hakamlaridan Sal D`Amato g'alabani SHevchenkoga, Yunichiro Kamijo Grassoga taqdim etdi. Mayk Bell esa jang durang natija bilan yakunlandi deb hisobladi.
Manba: olamsport.com