logotip
Assalom-u alaykum, Mehmon!
Soat: 08:53
KirishA'zo bo'lish
Lushan: "Kuper tadbiq etayotgan uslub jahonning istalgan jamoasiga tushadi"

21 DEKABR, 16:28 231

"So'g'diyona" bosh murabbiyi Sergey Lushan O'zbekiston terma jamoasining argentinalik ustozi Ektor Kuperning ish uslubi haqida quyidagi fikrlarni bildirdi.

- "Menimcha, Kuper oldiga JCH-2022ga chiqish vazifasi qo'yilgan. O'zbekiston terma jamoasi Osiyo Kubogiga g'olib chiqishidan ko'ra mundial chiptasini qo'lga kiritishi muhimroq, nazarimda. Qita chempionatiga ko'p ham etibor qilmasdan, Qatarda o'tadigan Jahon chempionatiga harakatni kuchaytirish lozim. Osiyo Kubogi g'olibi mundialga to'g'ridan-to'g'ri yo'llanma olmaydi-ku?! Masalan Osiyo kubogini yutib, keyinchalik mundialga chipta qo'lga kiritilmasa bundan nima naf? Osiyo Kubogida muvaffaqiyatsiz qatnashib, keyinchalik JCHga chiqsa, bundan hamma xursand bo'ladim, to'g'rimi? Aytmoqchimanki, Kuperdan qo'yilgan vazifani talab qilish lozim. Uning oldiga aynan nima vazifalar qo'yilganini esa aniq bilmayman.

Kuper balki Osiyo kubogiga umuman boshqa tarkibni olib ketib, ularni ko'rmoqchi bo'layotgandir. Buni faqatgina murabbiyning o'zi biladi. Agarda uning oldiga mundial vazifasi qo'yilgan bo'lsa, mutaxassis shundan kelib chiqib ish qiladi. Masalan menga shunday vazifa qo'yilganida, Osiyo kubogiga yosh tarkibni olib ketib, mundial paytda terma jamoaning o'zagi bo'ladigan avlodni shakllantirardim.

Kuperning tadbiq etayotgan uslubi? O'yinni himoyadan qurish uslubi jahondagi istalgan jamoaga tushadi. Masalan Braziliyaga himoyadan o'ynash uslubi mos tushadimi? Ular oxirgi 2 yildan buyon faqat himoyaviy o'yin ko'rsatishmoqda. Eng kuchli hujumkor futbolchilarga ega Braziliya terma jamoasi xattoki o'yinni himoya orqali qurmoqda. Hozirgi zamon futbol talabi shunday. Avvalgidek sen qo'lingdan kelganicha gol ur, biz istaganimizga uramiz, degan ishor hozir ish bermay qo'ygan. Jahonning eng kuchli jamoalari aynan shu uslub orqali g'alabalarni qo'lga kiritishmoqda. Yaqqol misol Franciya terma jamoasining JCHda ko'rsatgan o'yini va uslubi. Masalan menga Rossiya terma jamoasining o'yini umuman yoqmasdi. Lekin ular mundialda nimalar qilishdi? Xorvatiya terma jamoasini oling, ularchi?

To'g'ri, ularni o'yin chizgisi bor. Bizda esa Kuper asta-sekinlik bilan bu uslubni shakllantirmoqda. Murabbiy futbolchilarga o'z uslubi va falsafasini o'rgatishi hamda jamoaga moslashi uchun malum vaqt kerak. To'g'ri, biz ko'proq to'p bilan o'ynashni xush ko'ramiz. Bu bizning avvalgi uslub. Lekin bu bizga nima naf keltirgan? Har doim negadir o'z darvoza to'rimizda ikkitalab gol o'tkazib qo'yamiz, to'g'rimi? Bu shunchaki mening shaxsiy fikrim. Kuperga vaqt berish kerak. Osiyo Kubogi boshlanmasidan oldin hamma murabbiyning uslubi va ishi haqida gapirmoqda. Hozirdan endigina ishga kirishgan odamni tanqid qilib tashlash noto'g'ri. Unda Kuperni nega olib kelindi? Yangi murabbiy xotirjam ishlashi uchun sharoit qilib berish lozim. Agarda u vazifani uddalay olmasa, unda kechirasiz deb chiqish eshiklarini ko'rsatish kerak", - dedi Sergey Lushan.

[kulrang]Manba: championat.asia[/kulrang]

.

Yangiliklarni Telegramda o'qing!
BILDIRILGAN FIKRLAR
Umumiy: 2
QIZIQARLI FAKT VA IQTIBOSLAR
BOSH SAHIFA
ONLINE: 0 / 23