"Chelsi" Vai uchun 25 million evro taklif qilmoqda

 26 IYUL, 2023, 17:33

Londonning “Chelsi” klubi “Monpele”ga hujumchi Ele Vaining transferi bo'yicha og'zaki taklif yubordi. Jurnalist Mohamed Tubashening yozishicha, “pensionerlar” frantsuz uchun 25 million evro taklif qilishgan.

"Chelsi"ning g'oyasi hujumchini qo'lga kiritish va uni zudlik bilan "ko'klar" xo'jayinlariga tegishli bo'lgan "Strasburg"ga ijaraga berishdir. Xorijiy chempionatlarda futbolchiga boshqa da'vogarlar ham borki, ular uni darhol bazaga qo'shib olishga tayyor.

20 yoshli Vai o'tgan mavsumda “Monpele” safida Frantsiya chempionatida 19 ta gol urdi va 6 ta golli uzatmani amalga oshirdi.