"Manchester Yunayted" Antoni bilan bog'liq vaziyatga rasmiy izoh berdi

 6 SENTYABR, 2023, 17:54

"Manchester Yunayted" o'zining rasmiy saytida vinger Antoniga uydagi zo'ravonlik haqidagi ayblovlar munosabati bilan bayonot berdi.

"Manchester Yunayted" Antoniga qo'yilgan ayblovlarni tasdiqladi va politsiya tergov olib borayotganini aytdi. Qo'shimcha ma'lumot kutilmaguncha, klub endi izoh bermaydi.

"Biz ushbu da'volar va keyingi hisobotlarning oiladagi zo'ravonlikdan jabrlanganlarga ta'sirini hisobga olib, bu masalani jiddiy qabul qilamiz", dedi mankunianliklar bayonotida.

4 sentyabr kuni Antonining sobiq sevgilisi Gabriella Kavallin uni kaltaklaganini va o'ldirish bilan tahdid qilganini aytdi. Shuningdek, u 23 yoshli futbolchi 2022 yilning iyunidan 2023 yilning mayiga qadar unga bir necha bor hujum qilganini aytdi.

5 sentyabr kuni Antoni Braziliya terma jamoasidan chetlatilgani ma'lum bo'ldi.