David Silva: "Manchester Siti"ni sog'inaman"
6 SENTYABR, 2023, 17:18
"Manchester Siti"ning sobiq yarim himoyachisi David Silva "shaharliklar" safida o'ynagan kunlarini sog'inishini tan oldi.
Eslatib o'tamiz, ispaniyalik futbolchi yaqinda professional faoliyatini yakunladi. 2020 yildan beri yarim himoyachi "Real Sosedad"da o'ynab kelayotgandi.
"Men "Manchester Siti"ni sog'inaman. Umrimning 10 yilini shu klubda o'tkazishga muvaffaq bo'ldim, shirin xotiralarim ko'p. O'tgan mavsumda "Real Sosedad" bilan "Manchester Yunayted"ni 1:0 hisobida mag'lub etganimizda men shaharga qaytdim. Kelajakda yana Manchesterga qaytishni istardim, lekin bu safar oilam bilan. Balki bu kelasi yili sodir bo'lar", - dedi Silva jurnalist David Makdonell bilan suhbatda.
