Allegri Rabo bilan shartnoma uzaytirilishini talab qilmoqda
6 SENTYABR, 2023, 17:06
"Yuventus" bosh murabbiyi Massimiliano Allegri yarim himoyachi Adrien Raboni jamoada saqlab qolmoqchi.
La Gazzetta dello Sport nashri xabariga ko'ra, "keksa sinora" ustozi frantsiyalik futbolchi bilan shartnomani uzaytirishni ustuvor vazifalardan biri sifatida belgilagan.
Eslatib o'tamiz, yozda Rabo "Yuventus" bilan shartnomasini yakunlagan edi, ammo "keksa sinora" Adrienni bir yillik shartnoma imzolashga ko'ndira olgandi. Frantsiyalik futbolchiga Angliya Premer-ligasi klublari qiziqish bildirayotgandi, ammo futbolchi yakunda "Yuventus"da qoldi.
Rabo A Seriyaning yangi mavsumida uchta o'yin o'tkazib, bitta gol urdi.
