"Chelsi" Sanchoning xizmatiga qiziqish bildirmagani ma'lum bo'ldi

 6 SENTYABR, 2023, 16:18

"Chelsi" "Manchester Yunayted" vingeri Jeydon Sanchoni sotib olishni o'ylamagan. Jurnalist Fabritsio Romanoning ta'kidlashicha, klublar angliyalik futbolchining "Stemford Bridj"ga o'tishi mumkinligi haqida hech qanday muzokara olib bormagan.

Avvalroq, transfer oynasining so'nggi kunlarida “Chelsi” Sanchoga ko'z tikkani, ammo yakunda futbolchini psixologik muammolari va jismoniy holati yomonligi sababli rad etgani haqida xabarlar tarqalgan edi. Eslatib o'tamiz, "ko'klar" yakunda Koul Palmerni "Manchester Siti"dan 45 million evro evaziga sotib olgandi.

Eslatib o'tamiz, Sancho avvalroq bolaligida Londonning “Chelsi” jamoasiga muxlislik qilganini tan olgandi.