Zaxaryanning "Latsio"ga transferi tafsilotlari ma'lum bo'ldi
26 IYUL, 2023, 04:33
Italiyalik jurnalist Nikolo Skira Tvitterda yarim himoyachi Arsen Zaxaryanning "Dinamo"dan "Latsio"ga o'tishi haqidagi ma'lumotni tasdiqladi.
Manbaga ko'ra, Rim klubi 20 yoshli rossiyalik futbolchi bilan 2028 yilgacha mo'ljallangan shartnoma borasida kelishib olgan. Futbolchining maoshi yiliga 1,8 million evroni tashkil qiladi.
Avvalroq, Janluka di Martsio Zaxaryan 10+4 million evro evaziga "Latsio"ga o'tishini ma'lum qilgandi. Biroq Italiya klubi buni rad etdi.