logotip
Assalom-u alaykum, Mehmon!
Soat: 06:07
KirishA'zo bo'lish
Bugun «MYu»ga yangi bosh murabbiy tayinlanadi. U – klubning sobiq hujumchisi

19 DEKABR, 08:57 305

«Manchester Yunayted»ning sobiq hujumchisi Ule-Gunnar Sulsher payshanba kuni jamoa bosh murabbiyi etib tayinlanadi. Bu haqda The Guardian xabar bermoqda.

45 yoshli Sulsher hozirda Norvegiyaning «Molde» klubini boshqarmoqda. Manbaga ko'ra, u «MYu»ga mavsum oxiriga qadar ustozlik qiladi, shundan so'ng rahbariyat «Tottenhem» bosh murabbiyi Maurisio Pochettinoni jamoaga taklif etadi. Avvalroq argentinalik mutaxassis Londonni tark etishga qarshi emasligi haqida xabarlar tarqalgan.

Malumot uchun, Ule-Gunnar Sulsher 1996-2007 yillarda «MYu» sharafini himoya qilgan va 6 karra Angliya chempioni bo'lib, bir marta EChLda g'olib chiqqan. U murabbiylik faoliyatini «MYu» zaxira jamoasini shug'ullantirishdan boshlagan.

Norvegiyalik murabbiyga 56 yoshli Mayk Felan assistent sifatida tayinlanishi kutilyapti. Ushbu mutaxassis Aleks Fergyuson davrida 14 yil mobaynida ushbu lavozimda ishlagan.

Eslatib o'tamiz, kecha, 18 dekabr kuni «qizil iblislar»ni ikki yildan oshiqroq vaqt davomida boshqarib kelgan Joze Mourino istefoga chiqarilgan edi.

.

Yangiliklarni Telegramda o'qing!
BILDIRILGAN FIKRLAR
QIZIQARLI FAKT VA IQTIBOSLAR
BOSH SAHIFA
ONLINE: 0 / 15