"Inter Mayami" xorijlik futbolchilarni ro'yxatdan o'tkazish imkonini beruvchi yana bir slot sotib olganini e'lon qildi

 25 IYUL, 2023, 15:33

"Inter Mayami" xorijlik futbolchilarni ro'yxatdan o'tkazish imkonini beruvchi yana bir slot sotib olganini e'lon qildi. Ushbu slot 150 000 dollarga boshqa MLSning boshqa jamoasi - "San-Xose Ertkueyks" klubidan sotib olingan.

ESPN nashri ma'lumotlariga ko'ra, qo'shimcha o'rindan "Inter Mayami"ning yana uchta yangi a'zosi – Lionel Messi, Sergi Buskets va Jordi Albaning sobiq jamoadoshi Luis Suaresni qo'lga kiritish uchun foydalanish mumkin. Hozirda 36 yoshli urugvaylik futbolchining "Gremio" bilan shartnomasi bor.

"Inter Mayami"dagi so'nggi legioner MLS transfer oynasi yopilgunga qadar - 2 avgustgacha ro'yxatdan o'tishi kerak.