Foster so'nggi 10 yil ichida APLda gol urgan birinchi janubiy afrikalik futbolchi bo'ldi

 27 AVGUST, 2023, 21:42

"Byornli" Angliya chempionatining 3-turini omadsiz o'tkazdi – jamoa o'z maydonida "Aston Villa"ga 1:3 hisobida imkoniyatni boy berdi.

Mezbonlarning yagona goli janubiy afrikalik Layl Foster tomonidan kiritildi, u deyarli o'n yil ichida Premer-liga o'yinida gol urgan Janubiy Afrikalik birinchi futbolchiga aylandi.

Avvalgi janubiy afrikalik futbolchi 2013 yilning 19 oktyabr kuni "Xall Siti"ni mag'lub etgan "Everton" a'zosi Stiven Pienar edi. O'shanda "Everton" 2:1 hisobida g'alaba qozongan va janubiy afrikalik boshqa futbolchilar shu kungacha gol ura olmagan.

Keyingi turda "Byornli" "Tottenxem" bilan o'ynaydi.