"Yuventus" o'z futbolchisining narxini pasaytirdi

 27 AVGUST, 2023, 21:06

Yarim himoyachi Ueston Makkenni yozgi transfer oynasida "Yuventus"ni tark etishi mumkin.

TuttoMercatoWeb nashrining xabar berishicha, Turin klubi 24 yoshli futbolchining so'ralayotgan narxini pasaytirgan. Avvalroq "keksa sinora" Makkenni 30 million evroga sotishga tayyor bo'lgan bo'lsa, hozir 25 million evroga sotmoqchi.

Shu bilan birga, Makkenni 25 million evrodan kamiga sotilmasligi qayd etilgan. Turinda ular amerikalik futbolchini 2023/2024 yilgi mavsumda saqlab qolishga tayyor, agar u hech qaerga ketmasa.

Eslatib o'tamiz, Ueston Makkenni 2022/2023 yilgi mavsumning ikkinchi qismini ijara asosida "Lids"da o'tkazdi.