Evrokuboklar yarim finallarida qaysi mamlakatdan nechta jamoa qoldi?

 19 APREL, 2024, 05:06

Evrokuboklarning yarim finalida Germaniya va Italiyaning 3 tadan jamoasi o'ynaydi.

Shu haftada Chempionlar ligasi, Evropa ligasi va Konferentsiyalar ligasi chorak finalining javob o'yinlari bo'lib o'tdi va shundan so'ng yarim finalning barcha ishtirokchilari aniqlandi.

Bu bosqichda Germaniya (Chempionlar ligasida "Bavariya" va "Borussiya Dortmund", Evropa ligasida "Bayer") va Italiyaning ("Atalanta" va "Roma" Evropa ligasida, "Fiorentina" Konferentsiyalar ligasida) 3 tadan jamoasi ishtirok etadi.

Shuningdek, Frantsiyadan 2 ta (Chempionlar ligasida "PSJ", Evropa ligasida "Marsel") va Ispaniyadan (Chempionlar ligasida "Real Madrid"), Angliyadan (Konferentsiyalar ligasida "Aston Villa"), Belgiyadan (Konferentsiyalar ligasida "Bryugge") va Gretsiyadan ("Olimpiakos" Konferentsiyalar ligasi) 1 tadan vakillar yarim finallarda ishtirok etadi.