O'zbekiston kubogi prevyusi. "Paxtakor" - "Qo'qon-1912"

 18 APREL, 2024, 23:24

O'zbekiston kubogi 2-tur o'yinida "Sherlar" Toshkentda "Qo'qon-1912"ga qarshi maydonga chiqadi.

"Paxtakor" O'zbekiston Kubogida "Qo'qon-1912" bilan jami to'rt bahsda to'qnash kelgan. 2014 yil O'zbekiston Kubogi uchinchi bosqichida safarda 0:0 hisobi qayd etilgan bo'lsa, Toshkentda "Paxtakor" 4:0 hisobida g'alaba qozongan. 2018 yil yarim finalda paxtakorchilar safarda 5:2 hisobida zafar quchgan. 2020 yilda ham yarim finalda mehmonda 3:0 hisobida yutuqqa erishganmiz. Shuningdek, Liga Kubogida  ikki to'qnashuv kuzatilib, ularda 4:2 va 0:4 hisoblari qayd etilgan.

"Paxtakor" va "Qo'qon-1912" jamoalari o'rtasidagi bellashuv 19 aprel, juma kuni soat 16:30da "Paxtakor" stadionida boshlanadi.