Angliya kubogi reglamentiga o'zgartirish kiritiladi

 18 APREL, 2024, 19:12

Angliya kubogi reglamenti keyingi mavsumdan boshlab o'zgaradi.

BBC saytida xabar qilinganidek, musobaqada durang qayd etilgan taqdirda endi takroriy o'yinlar o'tkazilmaydi.

Bundan tashqari, 2024/2025 yilgi mavsumdan boshlab Angliya kubogining barcha bosqichlari dam olish kunlarida o'tkaziladi. Ilgari turnirning ayrim turlari hafta o'rtasida bo'lib o'tgandi. Qayd etilishicha, Angliya kubogi finali Premer-liga mavsumining so'nggi dam olish kunlarida bo'lib o'tadi.

Ushbu va boshqa o'zgarishlar Futbol assotsiatsiyasi va Premer-liga o'rtasidagi yangi olti yillik shartnomaga muvofiq amalga oshiriladi.