"Manchester Siti" ham Brentueyt uchun poygaga kirishdi
25 MART, 2024, 05:12
"Everton" markaziy himoyachisi Jerred Brentueyt faoliyatini "Manchester Siti"da davom ettirishi mumkin. Bu haqda Mail Sport xabar bermoqda.
Manba bergan xabarga ko'ra, "shaharliklar" 21 yoshli futbolchini kuzatib turishibdi, chunki jamoaga markaziy zonada futbolchi etishmayapti.
Joriy mavsumda Brentueyt barcha turnirlarni hisobga olgan holda 31 ta o'yinda qatnashib, ikkita gol urdi. Himoyachining "Everton" bilan shartnomasi 2027 yilning o'rtalariga qadar amal qiladi. Transfermarkt portali mutaxassislari futbolchining narxini 30 million evroga baholamoqda.
