Maguayr Angliya terma jamoasi qarorgohini tark etdi

 25 MART, 2024, 04:12

Garri Maguayr jarohati sabab Angliya terma jamoasini tark etdi.

Bu haqda Angliya futbol assotsiatsiyasi rasman malum qildi.

Maguayr Braziliyaga (0:1) qarshi o'yinning 67-daqiqasida almashtirildi. Insayder Fabritsio Romanoning so'zlariga ko'ra, “MYu” himoyachisi yaqin orada qo'shimcha tekshiruvdan o'tadi – uning tiklanishi ko'p vaqt talab etmasligi kutilmoqda.

Darvozabon Sem Jonston ham terma jamoani tark etdi. Riko Lyuis va Jeyms Trafford 26 mart kuni Belgiyaga qarshi o'yin uchun terma jamoaga chaqirilgan.