"Manchester Yunayted" italiyalik futbolchiga qiziqish bildirmoqda

 24 MART, 2024, 19:18

Yozgi transfer oynasi yaqinlashib qoldi va klublar allaqachon ma'lum pozitsiyalarni mustahkamlash rejalarini ishlab chiqishmoqda. Tuttosport xabariga ko'ra, himoya chizig'ida harakat qila oladigan "Torino"ning qanot yarim himoyachisi Raul Bellanova yozda Angliyaga ketishi mumkin.

Manbaga ko'ra, 23 yoshli Bellanovaga "Manchester Yunayted", "Aston Villa" va "Vest Xem" klublari qiziqish bildirmoqda. "Torino" futbolchining transferi uchun taxminan 25 million evro talab qilishi kutilmoqda.

2023/2024 yilgi mavsumda Raul Bellanova 30 ta o'yinda bitta gol va beshta golli uzatmani amalga oshirgan.