"Napoli" Osimxenga narx belgiladi

 24 MART, 2024, 19:06

Hujumchi Viktor Osimxen yozgi transfer oynasida “Napoli”ni tark etishi mumkin. "Chelsi" nigeriyalik futbolchini qo'lga kiritish uchun favorit hisoblanadi.

La Gazzetta dello Sport xabariga ko'ra, amaldagi Italiya chempionlari Osimxenning transferidan katta summa 110 dan 130 million evrogacha ishlab olishni kutishmoqda.

Aytish joizki, yanvar oyida 25 yoshli Osimxen yozda jamoasini o'zgartirib, faoliyatidagi navbatdagi qadamni qo'yish istagi borligiga shama qilgan edi.

2023/2024 yilgi mavsumda Viktor 24 ta o'yin o'tkazib, 13 ta gol urdi va 4 ta golli uzatmani amalga oshirdi.