Mbappe: “Mening kelajagim? Evro-2024 boshlanishiga qadar siz hamma narsani bilib olasiz"

 24 MART, 2024, 17:18

"PSJ" hujumchisi Kilian Mbappe muxlislar uning yangi klubi haqida qachon bilib olishlari haqida gapirdi. Eslatib o'tamiz, mavsum yakunida frantsiyalik forvard erkin agent sifatida "PSJ"ni tark etadi.

"Mening kelajagim? Evro-2024 boshlanishiga qadar siz hamma narsani bilib olasiz. Men hozir juda xotirjamman. Kelajagim hozir klubda muhokama qilinadigan mavzu emas, ular mendan bu haqda so'rashni to'xtatdilar. Evropa chempionatida xotirjam o'ynashni xohlayman", - deya Mbappening so'zlaridan iqtibos keltiradi Madrid Zone.

"Real Madrid" uzoq vaqtdan beri Kilianni transfer qilish uchun favorit hisoblanib kelgan, bu futbolchini tekinga olishi kerak. Joriy Frantsiya chempionatida Mbappe 24 ta gol urdi va 5 ta golli uzatmani amalga oshirdi.