"Bavariya" hujumchisi qishda jamoani tark etmaslikka qaror qildi

 11 DEKABR, 2023, 17:54

"Bavariya" hujumchisi Matis Tel qishki transfer oynasida Myunxen jamoasini tark etmaslikka qaror qildi, deya xabar bermoqda insayder Florian Plettenberg.

Manba bergan xabarga ko'ra, 18 yoshli frantsiyalik futbolchini ijaraga olishga bir qancha klublar qiziqish bildirgan, jumladan, "Manchester Yunayted" ham.

Tel Keynning o'rinbosari maqomiga qaramay, Myunxenda qolmoqchi va Tomas Tuxel qo'l ostida o'yin amaliyotiga ega bo'lishga umid qilmoqda.

Joriy mavsumda Tel 18 uchrashuvda 6 ta gol urdi va 3 ta golli uzatmani amalga oshirdi.