"PSJ" Zair-Emeri bilan kelishib oldi
11 DEKABR, 2023, 17:00
"PSJ" yarim himoyachisi Uorren Zair-Emeri bilan yangi shartnoma shartlarini kelishib oldi. Jurnalist Santi Una xabariga ko'ra, tomonlar o'rtasida yangi besh yillik shartnomaning barcha shartlari kelishib olingan.
Manbaning qayd etishicha, "PSJ" rahbariyati Zair-Emerining 18 yoshga to'lguncha kutishi kerak. Bu yoshga etganda futbolchi 5 yillik shartnoma imzolashi mumkin bo'ladi.
Eslatib o'tamiz, joriy mavsumda 17 yoshli Zair-Emeri Liga 1'da ikkita gol urdi va ikkita golli uzatmani amalga oshirdi. Yaqinda frantsiyalik futbolchi o'z milliy terma jamoasi safida debyut o'tkazdi va u erda birinchi o'yindayoq gol urdi.
