"Jirona" sport direktori: "Hamma bizni chempionatda g'alaba qozonishimizni istamoqda"

 11 DEKABR, 2023, 11:48

"Jirona" sport direktori Kike Karsel Ispaniya chempionatining 16-turida "Barselona"ga qarshi o'yindagi g'alaba (4:2) haqida fikr bildirdi.

“Ha, bu men boshdan kechirgan eng ajoyib narsa. Hamma biz haqimizda fikr bildirmoqda va Ispaniya chempionatida g'alaba qozonishimizni istayapti. Loyiha tan olinsa, bu professionalga yoqadi va bu professional eshitishi mumkin bo'lgan maksimal narsadir", - deya Karselning so'zlarini keltiradi AS .

Ushbu o'yindan so'ng "Jirona" 41 ochko bilan "Real"ni (39) ortda qoldirib, turnir jadvalida birinchi o'ringa ko'tarilib oldi. “Barselona” 34 ochko bilan to'rtinchi o'rinda bormoqda.