Messi AQShdagi noqulaylik haqida gapirdi

 6 DEKABR, 2023, 23:06

Hujumchi Lionel Messi AQShda duch kelgan qiyinchiliklari haqida gapirdi.

Messi o'tgan yozda «PSJ»ni tark etgan va «Inter Mayami» bilan shartnoma imzolagan edi. Avgust oyida Messining yangi jamoasi tarixdagi ilk kubokni qo'lga kiritib, Liga kubogi g'olibiga aylandi.

«Moslashish nuqtayi nazaridan eng qiyin narsa bu tirbandlikdir, biroq bu Parijda ham bo'lgan. Yozda issiqlik va namlik haqida ham aytaman.

Bunday sharoitda sohilda bo'lish yoqimli. Ammo sport, mashg'ulotlar yoki o'yinlar nuqtayi nazaridan bu qo'shimcha omillardan biriga aylanadi», - dedi Messi Time nashriga.