"Inter" etakchisiga APLdan qiziqish bor

 6 DEKABR, 2023, 21:48

"Inter" yarim himoyachisi Xoqon Chalxano'g'li Angliya Premer-ligasiga o'tishi mumkin. "Todofichajes" xabariga ko'ra, 29 yoshli futbolchi "Chelsi"ning asosiy transfer maqsadlari ro'yxatidan joy olgan. London klubi haqiqatan ham Chalxano'g'lini o'z safida ko'rishni istaydi, garchi "Inter" futbolchini saqlab qolishga ahd qilgan bo'lsa-da.

Xoqon Chalxano'g'lining "Inter" bilan amaldagi shartnomasi 2026/2027 yilgi mavsum oxirigacha amal qiladi. Transfermarkt portali mutaxassislari futbolchini 40 million evroga baholamoqda.

Joriy mavsumda Xakan 17 ta o'yinda maydonga tushib, o'z hisobiga 7 ta gol va bitta golli uzatma yozdirib qo'ygan.