Jinsiy zo'ravonlikda ayblangan Mina "Selta"ni tark etdi

 5 AVGUST, 2023, 05:44

"Selta" hujumchisi Santi Mina jamoani tark etdi, deb xabar bermoqda Vigo jamoasining rasmiy sayti.

"Selta" 27 yoshli ispaniyalik bilan shartnomani bir tomonlama bekor qildi. O'tgan yili Mina 4 yillik qamoq jazosiga hukm qilingan edi. Prokuratura futbolchini 2017 yilda sodir etgan qizga nisbatan jinsiy zo'ravonlikda aybladi.

Mina apellyatsiya berdi, ammo natijada Andalusiya sudi jabrlanuvchiga faqat ma'naviy tovon puli miqdorini - 50 ming evrodan 25 minggacha kamaytirdi.