Pochettino: "Chelsi" Liga kubogini yutish haqida o'ylashi kerak"
2 NOYABR, 2023, 05:42
"Chelsi" bosh murabbiyi Maurisio Pochettino Liga kubogida "Blekbern" ustidan qozonilgan g'alabadan so'ng o'z fikrlari bilan o'rtoqlashdi.
“Ko'klar” chempionshir vakillarini mos ravishda 30 va 59-daqiqalarda kiritilgan Benua Badyashil va Rahim Sterlingning gollari evaziga mag'lub etishdi. Londonliklar chorak finalda “Nyukasl”ga qarshi bahs olib boradi.
“Turnirda g'alaba qozonish haqida o'ylashimiz kerakmi? Ha, men shunday deb o'ylayman. Biz evrokuboklarda o'ynamaymiz va Liga kubogi biz uchun xuddi Premer-liga va Angliya kubogi kabi muhim bo'lishi kerak. Albatta, biz raqobatda g'alaba qozona olamiz deb o'ylashimiz kerak", - dedi Pochettino o'yindan keyingi matbuot anjumanida.
