Arteta: "Juda hafsalam pir bo'ldi, mas'uliyatni o'z zimmamga olaman"

 2 NOYABR, 2023, 05:06

"Arsenal" bosh murabbiyi Mikel Arteta "Vest Xem"ga (1:3) qarshi kubok o'yinida jamoaning harakatlaridan xafa bo'ldi.

"Kanonirlar" Liga Kubogining 1/8 final bosqichidan chiqib ketishdi.

“Juda hafsalam pir bo'ldi, mas'uliyatni o'z zimmamga olaman. Bu yomon o'yin edi. Men 48 soat davomida o'yinchilarni ushbu o'yin qanchalik muhim ekanligiga ishontirishga harakat qildim.

Biz ko'rsatishimiz kerak bo'lgan darajadan yiroq edik. Bu futbol, bu erdagi har bir o'yin o'ziga xos. Yaqinda "Sheffild Yunayted" ustidan qozonilgan g'alaba [5:0] o'tmishda qoldi va uni axlat qutisiga tashlash mumkin", dedi Arteta Sky Sports nashriga bergan intervyusida.