Lukaku "Yuventus"ga o'tish ehtimoli haqidagi savolga javob berdi
30 IYUL, 2023, 23:33
So'nggi paytlarda Romelu Lukakuning "Yuventus"ga o'tishi haqidagi mish-mishlar faol ravishda tarqalmoqda. Ayni paytda Bryusselda 30 yoshli hujumchi sport majmuasi yonida "Inter" muxlisi bilan yo'llarini kesishgan. U Lukakudan "Yuventus" futbolchisiga aylanish-bo'lmasligi haqida so'rash imkoniyatini qo'ldan boy bermadi.
"Yo'q, yo'q... Kelishuv bo'lmaydi deb o'ylayman», - deya Lukaku so'zlarini keltiradi Goal.com
Ijara mavsumidan so'ng "Inter" belgiyalik futbolchini sotib olmoqchi edi, ammo, aftidan, klub muzokaralarni to'xtatdi. Bunga Lukakuning "Yuventus" bilan muzokaralari sabab bo'lgani xabar qilingandi.