"Sevilya" himoyachisi BAA klubi bilan shartnoma imzoladi

 30 IYUL, 2023, 17:22

“Sevilya” himoyachisi Karim Rekik “Al-Jazira” futbolchisiga aylandi, deb xabar beradi klub matbuot xizmati.

28 yoshli niderlandiyalik futbolchi BAA jamoasida 4-raqam ostida to'p suradi.

Rekik 2020 yildan beri "Sevilya"da o'ynab kelayotgandi. U jamoa safida 70 ta o'yin o'tkazib, 1 ta gol urdi va 3 ta golli uzatmani amalga oshirdi.

Bungacha himoyachi “Gerta”, “Marsel”, “Manchester Siti”, PSV, “Blekbern” va “Portsmut” klublarida to'p tepgan.