APL bir qoidaga qattiq nazorat o'rnatadi

 29 IYUL, 2023, 17:55

Kelgusi mavsumda Angliya Premer-ligasida hakam o'yinlarning vaqtini diqqat bilan kuzatib boradi. 

The Guardian xabariga ko'ra, hakamlar jamoalarning gol nishonlash va boshqa epizodlar uchun sarflagan vaqtini o'lchaydi. Sarflangan vaqt kompensatsiya qilinadi. Uchrashuvlar uzoqroq davom etishi kutilmoqda.

Shuningdek, manbaning qayd etishicha, hakamlar futbolchilarga maydon tashqarisida tibbiy yordam ko'rsatilishini ta'minlashga harakat qiladi.

Istisnolar darvozabonlarning jarohati yoki bir jamoadagi o'yinchilar o'rtasidagi to'qnashuvlar ko'rinishida bo'lishi mumkin. 11 avgust, juma kuni Angliya Premer-ligasining yangi mavsumi start oladi.