"Atalanta" "MYu" talabiga ko'ra Xyoylundni asrab qo'ymoqchi

 29 IYUL, 2023, 17:55

"Atalanta" hujumchisi Rasmus Xyoylund Angliyaning "Bornmut" klubiga qarshi navbatdagi o'rtoqlik uchrashuvida jamoasiga yordam bermaydi.

Jurnalist Fabritsio Romanoning yozishicha, "Manchester Yunayted" jarohat olish xavfidan qochish uchun futbolchining o'rtoqlik o'yinlarida qatnashmasligi haqida "Atalanta" bilan kelishib olgan.

Manbaning ta'kidlashicha, "Manchester Yunayted" va "Atalanta" o'rtasidagi kelishuv hozirda ilg'or bosqichda. Italiya jamoasi avvalroq o'z futbolchisini taxminan 87 million evroga baholagandi.

Xyoylund o'tgan mavsumda Italiya A seriyasida 9 ta gol urgandi.