"Atalanta" Ture transferini e'lon qildi

 29 IYUL, 2023, 17:33

"Atalanta" "Almeriya" hujumchisi El Bilol Ture bilan shartnoma imzolaganini e'lon qildi.

21 yoshli malilik futbolchi bilan shartnoma muddati va transfer summasi aniqlanmagan. Insayder Nikolo Skiraning so'zlariga ko'ra, futbolchi 2028 yilning iyun oyi oxirigacha shartnoma imzolagan, transfer bergamoliklarga bonuslar bilan birga 30 million evroga tushadi.

Ture "Almeriya" safida 2022 yilning sentyabridan beri to'p tepadi. Hujumchi 22 uchrashuvda 7 ta gol urdi va 2 ta golli uzatmani amalga oshirdi.