APL. Muxlislar eng yaxshi murabbiylar nomiga ovoz berdi: ten Xag "Luton Taun" murabbiyidan pastroqda, Pochettino esa 17-o'rinda
28 IYUL, 2023, 17:11
APL muxlislari turnirning eng yaxshi murabbiyiga ovoz berishdi. E'lon qilingan natijalardan hayron qolishingiz turgan gap. "Sky" nashri muxlislar orasida so'rovnoma o'tkazgan. Ularga ovoz berishda klublarning mavqeyi, darajasi, byudjet hajmi va yulduzli tarkibiga qaramaslik so'raldi. Natijalar shuni ko'rsatdiki, "Manchester Siti" ustozi Pep Gvardiola haqli ravishda eng yaxshi mutaxassis. Axir u jamoasini o'tgan mavsum yakunida treblga etaklagan edi-da!
"Vulverxempton" bosh murabbiyi Yulen Lopetegi umumiy ovoz hajmining 0.5 foizini olib, 20 o'rinda turibdi. "Nyukasl"ning EChLga qaytishi esa Eddi Xauni 3-o'ringa ko'targan. Biroq, u jadvalda Kloppdan keyin turibdi. Garchand "Liverpul" o'tgan mavsumni omadsiz yakunlagan bo'lsa ham, nemis mutaxassisiga 13.3 foiz ovoz tekkan.
Jadvalda APL debyutanti bo'lgan "Luton Taun" klubi menejeri Rob Edvards sakkizinchi pog'onada turibdi. Muxlislar uni ishonchli vakil deb biladi. Elitada birorta o'yinda ko'rinish bermaganiga qaramay, Edvards muxlislar kӯzida Erik ten Xag va Maurisio Pochettinodan yaxshiroq maqomda. Bu biroz alamli bo'lsa kerak. Garchand Ten Xag "MYu"dek muammolar girdobidagi jamoani da'volayotgan bӯlsa ham, 13-o'ringa qo'yildi. Pochetinnodayam shunday vaziyat. Biroq, u ten Xagdan farqli ravishda, ishni endi boshlaydi. "Tottenxem" muxlidlarining 14 foizi argentinalik mutaxassisni ligada eng yaxshisi deb bilar ekan. Ammo "Tottenxjm"ning o'zida vaziyat og'ir. "Shporlar"ning yangi ustozi Angelos Postekoglu 18-o'rindan joy olgan. Faqatgina "Bornmut" va "Vulvz" ustozlari undan pastda e'tirof etilgan.
Postekoglu umumiy ovozlarning 1 foizinigina oldi. Uning oldida katta vazifa turibdi: avstraliyalik mutaxassis ishi bilan bunday past nazarga loyiq emasligini isbotlashi kerak bo'ladi.
Mikel Arteta "Arsenal"ni 2016 yildan beri ilk bor ikkinchi o'ringa olib chiqqan edi. Shunga qaramay, muxlislar uni Tomas Frank va Roy Xojsondan ko'ra pastroq ko'rar ekan. Pep Gvardiola maktabini o'tagan yana bir afsonaviy futbolchi Vensen Kompanidir. Hozir u ham APL murabbiylari qatorida bor. Kompaniga 3.4 foiz ovoz berilgan. U jadvalning 10-o'rinida turibdi. Belgiyalik o'tgan mavsumda "Byornli"ni Chempionship g'olibiga aylantirgan edi. Uning jamoasi 101 ochko bilan APL yo'llanmasini naqd qilgan. Shunday ekan, unga muxlislarning hurmati baland.
ISMATOV J.
