Gasperini - "Yuventus"ga qarshi o'yin haqida: "Uch ochko olmaganimiz achinarli"

 2 OKTYABR, 2023, 00:06

"Atalanta" bosh murabbiyi Jan-Pero Gasperini jamoasi "Yuventus" bilan ochko bo'lishib olgan o'yin haqida gapirdi.

Bergamoliklar zarbalar bo'yicha sezilarli ustunlikka ega bo'lishdi, ammo o'yinda hisob ochilmadi - 0:0.

“Uch ochko ololmaganimiz achinarli. Biz kuchli raqibga qarshi o'ynadik va o'ylashimcha, biz yaxshi ko'rindik. Ikkinchi bo'limning borishini hisobga olsak, g'alabaga to'liq loyiq edik, ammo bu natija bilan ham o'yindan unumli foydalana oldik – jamoa kuchayib, o'ziga bo'lgan ishonch ortdi. "Bugun bizda gol urish uchun ajoyib imkoniyatlar bo'ldi", dedi Bergamo jamoasi boshqaruvchisi DAZN nashriga.