Xanchjou-2022: Ekaterina Voronina Osiyo o'yinlarida ikkinchi medalini qo'lga kiritdi

 1 OKTYABR, 2023, 23:54

Engil atletika bo'yicha O'zbekiston terma jamoasi a'zosi Ekaterina Voronina Osiyo o'yinlarida ikkinchi medaliga sazovor bo'ldi.

Yurtdoshimiz ko'pkurash dasturida 6056 ochko bilan kumush medal sohibiga aylandi. Voronina peshqadamdan — xitoylik Ninali Jengdan 93 ochko ortda qoldi.

Uchinchi o'rin esa hindistonlik Nandini Agasara egalladi. U Ekaterinadan 437 ochko ortda qolib ketdi.

Eslatib o'tamiz, Voronina hisobida Incheon-2014 Osiyo o'yinlarining oltin medali ham bor.