Osimxen uchun 200 million to'lashga tayyor jamoa bor
29 SENTYABR, 2023, 13:30
Nigeriyalik markaziy hujumchi Viktor Osimxen Italiya A Seriyasini Saudiya Arabistoni chempionatiga almashishi mumkin, deya xabar beradi DeadlineDayLive.
Manbaning xabariga ko'ra, "Al-Hilol" rahbariyati "Napoli" hujumchisi bilan shartnoma imzolashdan manfaatdor. Saudiya klubi futbolchi uchun 200 million evro to'lashga tayyor.
"Al-Hilol" Viktorning o'ziga mavsumiga 50 million maosh bilan 5 yillik shartnoma taklif qilishga tayyor.
Italiya chempionatining joriy mavsumida Osimxen oltita o'yin o'tkazib, to'rtta gol urdi.