Kubo APL grandi e'tiborini tortgan
29 SENTYABR, 2023, 13:24
Todofichajes jurnalistlarining xabar berishicha, yaponiyalik vinger Takefusa Kubo Londonning "Arsenal" klubi qiziqish doirasiga tushib qolgan.
Manbaga ko'ra, agar "Real Madrid" futbolchini sotib olish huquqidan foydalanmasa, "kanonirlar" futbolchini "Real Sosedad"dan sotib olishga urinib ko'radi. "Los-Blankos" 22 yoshli futbolchini 30 million evro evaziga qaytarishi mumkin.
Kubo "Real Sosedad"da 2022 yilning yozidan buyon o'ynamoqda. Tomonlar o'rtasidagi amaldagi mehnat shartnomasi muddati 2027 yilning o'rtalarigacha hisoblanadi.